सरस्वती स्कुल मध्ये विद्यार्थ्यांना दिली मानवंदना
*सरस्वती स्कूलमध्ये विद्यार्थ्यांना दिली नेतृत्वाची धुरा*
सरस्वती स्कूल, कडेपुर येथे सोमवार, दिनांक 21 जुलै 2025 रोजी शाळेचे हेड बॉय, हेड गर्ल आणि कौन्सिलिंग मेंबर्स यांच्या शपथविधी सोहळ्याचे आयोजन करून बॅच व सॅशे देऊन गौरवण्यात आले.कार्यक्रमात विशेष परेडचे आयोजन करण्यात आले होते. ज्यामधून विद्यार्थ्यांचे नेतृत्वगुण अधोरेखित करण्यात आले.
कार्यक्रमास प्रमुख पाहुणे म्हणून कडेगाव पोलीस स्टेशनचे सब-इन्स्पेक्टर श्री. काळे सर,पोलीस हेड कॉन्स्टेबल श्री मुल्ला सर,पोलीस कॉन्स्टेबल श्री जाधव सर व पूजा मॅडम तसेच पोलीस पाटील दुबिले मॅडम, उपस्थित होते सरस्वती ग्लोबल स्कूलच्या मुख्याध्यापिका सौ. सूर्यवंशी मॅडम व उपमुख्याध्यापिका सौ.चव्हाण मॅडम व व्यवस्थापक श्री.अमोल यादव सर यांनी पाहुण्यांचे औपचारिक स्वागत केले.
कार्यक्रमाच्या निमित्ताने शैक्षणिक वर्ष 2024-25 मध्ये दहावीच्या परीक्षेत प्रथम व द्वितीय क्रमांक मिळवलेल्या विद्यार्थ्यांना शाळेच्या वतीने सन्मानपूर्वक भेटवस्तू देऊन पुढील वाटचालीस शुभेच्छा देण्यात आल्या.तसेच स्कॉलरशिप परीक्षेमध्ये अनुष्का महादेव जाधव हिने कडेगाव तालुक्यात प्रथम व जिल्ह्याच्या यादीत मानाचे स्थान मिळवून स्कॉलरशिपची मानकरी ठरली. याबद्दल तिला भेटवस्तू देऊन गौरवण्यात आले.
शिस्तबद्ध परेड, विद्यार्थ्यांचा आत्मविश्वास व पाहुण्यांचे मार्गदर्शन यामुळे कार्यक्रम अधिक प्रेरणादायी ठरला. शाळेच्या व्यवस्थापनाने यशस्वी आयोजनाबद्दल समाधान व्यक्त केले.
